जुम्ला । जुम्लाको सिंजा गाउँपालिका-३ छान्निगाडा बस्ने १३ वर्षीया नबिना गिरीको बाटोमा फालिएको तारमा करेन्ट लागेर मृत्यु भएको छ ।
आज आइतबार दिउँसो छान्निगाडा बस्ने नमराज गिरीकी छोरी १३ वर्षीया नबिना गिरीको करेन्ट लागेर मृत्यु भएको हो ।
घर नजिकै बाटोमा बाख्रा चराउन गएकी उनको राष्ट्रिय प्रशारण लाइनको बिजुलीको तार निर्माणाधीन नेपाल टेलिकमको टावरमा लैजाने क्रममा बाटोमा फालिएको तारमा करेन्ट लागेर मृत्यु भएको प्रहरीको प्रारम्भिक अनुसन्धानले जनाएको छ ।
यस सम्बन्धमा थप अनुसन्धान गरिरहेको प्रहरीले जनाएको छ ।
फ्याक्ट सञ्चार । २०८१ बैशाख २ गते आइतवार