सुर्खेत । हुम्लाको चंखेली गाउँपालिका–२ गौरीसल्लामा भएको जिप दुर्घटनाका थप एकजना घाइतेको मृत्यु भएको छ।
मृत्यु हुनेमा २४ वर्षीय रमेश मल्ल रहेका छन्।
गम्भीर घाइते भएका रमेश मल्लसहित चार जनालाई बुधबार सिम्रिक एयरको हेलिकप्टोरमार्फत प्रदेश अस्पताल ल्याइएको थियो।
मल्लको उपचारका क्रममा सुर्खेतस्थित कर्णाली प्रदेश अस्पतालमा मृत्यु भएको जिल्ला प्रहरी कार्यालय सुर्खेतले बताएको छ ।
दुर्घटनामा घाइते भएका ७ जनामध्ये तिलबहादुर शाही, चंखेली गाउँपालिका–२, सुरेन्द्रबहादुर शाही, र छायाँनाथ रारा नगरपालिका–१३, का रमेश मल्ल, र पृथ्वी रावतलाई थप उपचारका लागि सुर्खेत ल्याइएको हो ।
गौरीसल्लाबाट देउली बजारतर्फ जाँदै गरेको कर्णाली प्रदेश २००च०९२२ नम्बरको जिप दुर्घटना भएको थियो ।
फ्याक्ट सञ्चार । २०८१ भाद्र ६ गते बिहिवार