सुर्खेत । रुकुम पश्चिममा ट्रयाक्टर दुर्घटना हुँदा २ जनाको मृत्यु भएको छ ।

जाजरकोट-डोल्पा सडक खण्डमा आठविसकोट देखि रिम्ना तर्फ जादै गरेको भे २ त १६६८ नं.को ट्रयाक्टर दुर्घटना भएको हो ।

आज दिउँसो १२ बजेर ३० मिनेटको समयमा रुकुमपश्चिम आठविसकोट नगरपालिका १४ छेपारे मा सडक देखि अन्दाजी २०० मिटर तल भेरी नदीमा खस्दा २ जनाको मृत्यु र ३ जना घाइते भएको कर्णाली प्रदेश प्रहरी कार्यालयले जनाएको छ ।

मृत्यु हुनेमा रुकुम पश्चिम आठविसकोट नगरपालिका १४ बस्ने वर्ष २२ का ट्याक्टर चालन विकास खड्का र सोही ठाउँका वर्ष १८ का हरी आचार्य रहेका छन् ।

यस्तै, घाइते हुनेमा रुकुम पश्चिम आठविसकोट १४ बस्ने वर्ष २० का चिन्ताराम शर्मा, सोही ठाउँमा बस्ने वर्ष १८ का विकास पोख्रेल र सानिभेरी गाउँपालिका ४ का वर्ष १६ का निशान वुढा रहेका छन् ।

घाइतेहरुको उपचारको लागि मिसन अस्पताल, चौरजहारी पठाइएको प्रहरीको भनाई छ ।