सावित्रा उपाध्याय, सुर्खेत । वीरेन्द्रनगरमा कारको ठक्करबाट एकजनाको उपचारको क्रममा मृत्यु भएको छ ।

मृत्यु हुनेमा वीरेन्द्रनगर नगरपालिका–१२ का ७२ वर्षीय लोक बहादुर शाही रहेका छन् ।

बुधबार राति साढे ८ बजेको समयमा वीरेन्द्रनगरको तिनकुने स्थित बसपार्क देखि पिपिरातर्फ जाँदै गरेको नम्बर नखुलेको कारले उनलाई ठक्कर दिएको थियो ।

बायाँ खुट्टा र टाउकोमा चोट लागेर घाइते भएका उनको प्रदेश अस्पताल कालागाउँमा उपचारको क्रममा राति ११ बजे मृत्यु भएको जिल्ला प्रहरी कार्यालय सुर्खेतका प्रहरी उपरीक्षक रुपेश खड्काले जानकारी दिए ।

ठक्कर दिने सवारी साधन हालसम्म फरार रहेको र खोजीकार्य भइरहेको प्रहरीले जनाएको छ ।