सुर्खेत । नेपाल तरुणदल सुर्खेतले वडा अधिवेशनको सुरुवात गरेको छ। आइतबार वीरेन्द्रनगर नगरपालिका–१ बाट वडा अधिवेशनको प्रक्रिया औपचारिक रूपमा आरम्भ गरिएको हो।

वडा अधिवेशनको सुरुवातसँगै संगठनलाई स्थानीयस्तरमा थप सशक्त बनाउन युवा सदस्यहरू सक्रिय रूपमा सहभागी भइरहेको नेपाल तरुणदल सुर्खेतले जनाएको छ। विभिन्न वडाहरूमा क्रमशः अधिवेशन सञ्चालन गर्दै संगठनलाई बलियो बनाउने लक्ष्य राखिएको छ।

नेपाल तरुण दलको पाँचौ केन्द्रीय महाधिवेशन सम्पन्न गर्नका लागि वडा अधिवेशन सुरु गरिएको तरुण दल सुर्खेतका अध्यक्ष हरि विष्टले जानकारी दिए । ‘चैत अन्तिमसम्म तरुण दलको केन्द्रीय महाधिवेशन हुँदैछ । त्यसलाई सम्पन्न गर्नका लागि वडाको अधिवेशन सुरु गरिएको हो,’अध्यक्ष विष्टले भने, ‘वीरेन्द्रनगर–१ बाट सुरु भएको यो महाकुम्भ सुर्खेतका ९९ वटै वडा हुँदै पालिका, प्रदेश, क्षेत्र र जिल्लासम्म हुनेछ ।’

तरुणदल वडा नम्बर १ का अध्यक्ष बलभद्र पुरीको अध्यक्षता, वडाका पार्टी सभापति नवल गिरीको प्रमुख आतिथ्यता, तरुणदल सुर्खेतका जिल्ला अध्यक्ष एवम् अधिवेशन जिल्ला संयोजक हरि विष्ट, तरुणदलका केन्द्रीय सदस्य चित्रजंग शाही, नेपाल सांस्कृतिक संघका केन्द्रीय सदस्य तिर्थराज पुरीको विशेष आतिथ्यतामा अधिवेशन गरिएको हो ।

अधिवेशनबाट टेकराज खड्काको अध्यक्षतामा ८ सदस्यीय नयाँ कार्यसमिति चयन गरिएको छ । जसको उपाध्यक्षमा शिवराज विक, सचिवमा रमेश गौतम चयन भएका छन् । त्यस्तै सदस्यहरुमा प्रकाश अधिकारी, मनोज गुरुङ, नवीन गुरुङ, भिमबहादुर विक, प्रकाश नेपाली, विशाल विष्ट, तिर्थ केसी (महिला), दिपक गुरुङ, सञ्जय विष्ट र अनिलकुमार सारु चयन भएका छन् ।

आइतबार नै बसेको समितिको पहिलो बैठकले महिला उपाध्यक्षमा पुष्पा राकोय र सहसचिवका कमल गिरीलाई मनोनित गरेको छ । एक कोषाध्यक्ष अबको बैठकले मनोनित गर्नेछ । आठ जना नगरप्रतिनिधि र तीन जना जिल्ला प्रतिनिधि चयन समेत चयन गरिएको छ । जिल्ला प्रतिनिधिमा चिरञ्जीवी गिरी, बलभद्र पुरी र डिलमाया विष्ट (दिया) चयन भएका छन् ।

वडा नम्बर १ का वडाअध्यक्ष दिनेश खत्री, नेपाली कांग्रेस वडा नम्बर १ का पुर्व वडा सभापति चन्द्र प्रसाद थानी, नेपाल स्वास्थ्यकर्मी संघका जिल्ला अध्यक्ष उदय थापा, महिला संघकी क्षेत्रीय सचिव भूमिसरा श्रेष्ठ, पार्टी नगर सदस्य क्षेत्र गौतम, तारा खड्का, तरुणदल जिल्ला सचिव कृष्ण भण्डारी, जिल्ला उपाध्यक्ष विनोद गिरी, सहसचिव सुरेश मानन्धर, क्षेत्रीय सहसचिव सुरेश गुरुङ, निर्वाचन क्षेत्र नम्बर २ प्रदेश (क) का सभापति यामराज शाही, तरुणदल नगर अध्यक्ष यज्ञ गिरी, नगर उपाध्यक्ष गणेश गुरुङ, तरुण दल पुर्व वडा अध्यक्ष खम्बराज बाेगटी, दलित संघ वडा अध्यक्ष बुद्धिसरा विकको आतिथ्यतामा अधिवेशन सम्पन्न भएको थियोे ।