काठमाडौँ । गृह मन्त्रालयले सात जिल्लाका प्रमुख जिल्ला अधिकारी (प्रजिअ) को सरुवा गरेको छ। सरुवा सूचीमा सुर्खेत, कपिलवस्तु, उदयपुर, नवलपरासी (बर्दघाट सुस्ता पूर्व), बागलुङ, अछाम र पर्वत परेका छन्।

सुर्खेतका प्रजिअ शंकरहरि आचार्यलाई गृह मन्त्रालय तानिएको छ भने गृह मन्त्रालयका सहसचिव जगदीश्वर उपाध्यायलाई नयाँ प्रजिअका रूपमा पठाइएको छ। यस्तै, अन्य जिल्लाका प्रजिअहरू पनि हेरफेर भएका छन्।

गृह प्रशासन स्रोतका अनुसार सरुवामा सहसचिवको दरबन्दी भए पनि उपसचिवहरूलाई प्राथमिकता दिइएको छ। तर, राजनीतिक शक्ति संघर्षका कारण प्रशासनिक कार्यान्वयन चुनौतीपूर्ण बनेको बताइएको छ।