काठमाण्डौ – पश्चिमी वायु र स्थानीय वायुको आंशिक प्रभावले हाल कर्णाली प्रदेशसहित देशका पहाडी भू–भागमा आंशिक बदली रहेको जल तथा मौसम पूर्वानुमान महाशाखाले जनाएको छ।
आज दिउँसो कर्णाली प्रदेशका पहाडी क्षेत्रका केही स्थानमा मेघगर्जन र चट्याङसहित हल्का वर्षा हुने सम्भावना रहेको छ। साथै, उच्च पहाडी तथा हिमाली भू–भागका केही स्थानमा हल्का हिमपातको पनि सम्भावना छ। तराई क्षेत्रमा भने मौसम सामान्यतया सफा रहनेछ।
हाल प्रि-मनसुनको समय भएकाले दिउँसोपछि कर्णालीसहित देशका विभिन्न ठाउँमा हावाहुरी चल्ने र मेघगर्जनसहित चट्याङ पर्ने सम्भावना रहेकोले सतर्कता अपनाउन महाशाखाले अनुरोध गरेको छ।
फ्याक्ट सञ्चार । २०८१ चैत्र ६ गते बिहिवार