सुर्खेत । प्रतिनिधिसभा सदस्य निर्वाचनअन्तर्गत कालीकोटमा जारी मतगणनाको परिणामअनुसार नेपाल कम्युनिष्ट पार्टी (नेकपा) का उम्मेदवार महेन्द्रबहादुर शाही अग्रस्थानमा रहेका छन्।

हालसम्मको मतपरिणामअनुसार शाहीले १ हजार ४२० मत प्राप्त गर्दै अग्रता लिएका छन् । उनलाई नेपाली कांग्रेस का उम्मेदवार हर्षबहादुर बम ले १ हजार ३७४ मत सहित पछ्याइरहेका छन् ।

यसैगरी नेकपा (एमाले) का उम्मेदवार नगिन्द्र शाही ले १ हजार १३६ मत प्राप्त गर्दै तेस्रो स्थानमा रहेका छन् । नेपाल कम्युनिष्ट पार्टी (माओवादी) का खड्गबहादुर विश्वकर्मा ले ३७० मत प्राप्त गरेका छन्।

त्यस्तै राष्ट्रिय स्वतन्त्र पार्टी का उम्मेदवार प्रकाश न्यौपाने ले १५९ मत प्राप्त गर्दै पाँचौँ स्थानमा रहेका छन्।