सुर्खेत । कर्णाली प्रदेशका मुख्यमन्त्री यामलाल कँडेलले प्रधानमन्त्री केपी शर्मा ओलीसँग भेटवार्ता गरेका छन् । मगंलवार भेटवार्ताको क्रममा आफूले कर्णालीको विकास र समृद्धिको विषयमा छलफल गरेको मुख्यमन्त्री कँडेलले स्पष्ट पारेका छन् ।

प्रधानमन्त्री ओलीसँगको भेटमा आफूले सुर्खेत विमानस्थल विस्तार तथा स्तरोन्नतीको विषयमा कुरा राखेको र त्यसमा प्रधानमन्त्रीले सकारात्मक रुपमा लिएको पनि उनले जानकारी गराएका छन् ।

यसअघि केपी ओलीसँग सम्बन्ध समुधुर नभएको भनिएका यामलाल कँडेल कर्णालीको मुख्यमन्त्री भएसँगै समुधुर सम्बन्ध बनाउन लागिरहेका छन् ।

प्रधानमन्त्री ओलीसँगको भेटबारे उनले फेशबुकमा लेखेका छन् :

सम्माननीय प्रधानमन्त्री एवम् नेकपा (एमाले) का श्रद्वेय अध्यक्ष केपी शर्मा ओलीसँग कर्णालीको विकास र समृद्वि तथा प्रदेश सरकार संचालन लगायतका विषयमा आज बालुवाटारमा महत्वपूर्ण छलफल भएको छ। छलफलमा सुर्खेत विमानस्थल विस्तार तथा स्तरोन्नतिलाई प्राथमिकतामा राख्नेबारे सम्माननीय प्रधानमन्त्रीज्यूले सकारात्मक रूपमा लिनु भएको छ। महत्वपूर्ण सुझाव र मार्गदर्शनका लागि सम्माननीय प्रधानमन्त्री ज्यूप्रति हार्दिक आभार प्रकट गर्दछु।