सावित्रा उपाध्याय,सुर्खेत । १७ औं गणतन्त्र दिवसको अवसरमा आज सुर्खेतमा जेसीजले रक्तदान कार्यक्रम गरेको छ ।

वीरेन्द्रनगर जेसिज, सुर्खेत महिला जेसिज र वीरेन्द्रनगर जुनियर जेसिज सुर्खेतले संयुक्त आयोजना, नेपाल स्वयंसेवी रक्तदाता समाज सुर्खेत शाखाको समन्वय र नेपाल रेडक्रस सोसाइटीको प्राविधिक सहयोगमा वीरेन्द्रनगरमा रक्तदान कार्यक्रम सम्पन्न गरिएको हो ।

१७ औं गणतन्त्र दिवसको अवसरमा रगत अभाव भई कसैले पनि अकाल मै ज्यान गुमाउन नपरोस् भनेर यो कार्यक्रम आयोजना गरिएको जेसीजले जनाएको छ ।

कार्यक्रममा सुर्खेत उद्योग बाणिज्य संघका अध्यक्ष लक्ष्मण कँडेलले मानव जिवन बचाउने जस्तो राम्रो काम गरेको भन्दै आयोजकको प्रंशसा गरे ।

उनले देश चलाउन जेसीजले सक्षम युवा तयार गर्ने गरेको भन्दै खुशी व्यक्त गरे ।

महिला र पुरुष गरी ३२ जनाले जनाले रक्तदान गरेको नेपाल रेडक्रस सोसाइटी रक्तसञ्चार केन्द्र सुर्खेतले जनाएको छ ।