काठमाडौं । सरकारले पूर्वराजा ज्ञानेन्द्र शाहको राहदानी (पासपोर्ट) रद्द गर्ने प्रक्रिया अघि बढाएको छ।

शुक्रबार राजधानीमा भएको हिंसात्मक आन्दोलनको निर्देशन उनैबाट भएको आशंकामा अनुसन्धान अघि बढेसँगै सरकार राहदानी रद्द गर्ने तयारीमा लागेको हो।

उक्त हिंसात्मक आन्दोलनमा उनको संलग्नता रहेको आशंकामा अनुसन्धान अघि बढाइएसँगै विदेश पलायन हुन सक्ने सम्भावनालाई ध्यानमा राख्दै राहदानी रद्द गर्ने प्रक्रिया अघि बढाइएको हो।

आन्दोलनमा प्रहरी र प्रदर्शनकारीबीच हिंसात्मक झडप हुँदा कैयौं व्यक्ति घाइते भएका थिए। सरकारले घटनाको विस्तृत छानबिन गरिरहेको छ भने सम्बन्धित निकायले कानुनी प्रक्रिया अघि बढाएको छ।

यस विषयमा पूर्वराजा शाह तथा उनको सचिवालयबाट कुनै औपचारिक प्रतिक्रिया आएको छैन।