सुर्खेत । मध्यपश्चिम विश्वविद्यालय स्वतन्त्र विद्यार्थी युनियन (स्ववियु) निर्वाचनमा हालसम्म ६८४ मत गणना हुँदा नेविसंघले अग्रता लिएको छ।

अध्यक्ष पदतर्फ नेविसंघका विवेक खड्का २६७ मतसहित अग्रस्थानमा छन् भने अनेरास्ववियुका जगत जंग शाही २०२ मतसहित दोस्रो स्थानमा छन्। अखिल क्रान्तिकारीका प्रकाश वि.क ८२ मतसहित तेस्रो स्थानमा रहेका छन्। स्वतन्त्र उम्मेदवार मिलन बि.सि ले ४९ मत प्राप्त गरेका छन् भने अन्य समूहहरूको मत न्यून देखिएको छ।

सचिव पदमा, नेविसंघका भुपेन्द्र आचार्य ३३५ मत प्राप्त गरी अगाडि छन्। अनेरास्ववियुका भुपेन्द्र भण्डारी १३० मतसहित दोस्रो स्थानमा छन् भने अखिल क्रान्तिकारीका मोहन चौलागाईं ६२ मतसहित तेस्रो स्थानमा छन्।

कोषाध्यक्ष पदतर्फ, नेविसंघका लोक प्रसाद रिजाल ३१४ मतसहित अग्रस्थानमा छन् भने अनेरास्ववियुका बिक्रम सिंह मन्दिर १५२ मत प्राप्त गर्दै दोस्रो स्थानमा छन्।

यस निर्वाचनको सम्पूर्ण परिणाम आउन अझै केही समय लाग्ने अनुमान गरिएको छ।