सुर्खेत । मध्यपश्चिम विश्वविद्यालयको स्वतन्त्र विद्यार्थी युनियन (स्ववियु) निर्वाचनमा नेपाल विद्यार्थी संघको प्यानलले प्रभावशाली जित हात पारेको छ ।

विवेक खड्काको नेतृत्वमा रहेको नेविसंघ प्यानलले विजयी हुँदै स्ववियुमा आफ्नो वर्चस्व कायम गरेको हो।

सोमबार सम्पन्न निर्वाचनमा अखिल नेपाल राष्ट्रिय स्वतन्त्र विद्यार्थी युनियन (अनेरास्ववियु) का उम्मेदवार जगतजंग शाहीलाई पराजित गर्दै विवेक खड्का अध्यक्षमा निर्वाचित भए। खड्काले १ हजार१८७ मत प्राप्त गर्दा शाहीले ९०७ मत पाएका थिए ।

सचिव पदमा भुपेन्द्र आचार्य १ हजार ३९६ मतसहित विजयी हुँदा कोषाध्यक्षमा लोक प्रसाद रिजालले १ हजार २५५ मत प्राप्त गर्दै सफलता हासिल गरे।

सदस्य पदमा समेत नेविसंघका उम्मेदवारहरू बलियो मतान्तरका साथ विजयी भएका छन् । सदस्यहरुमा गणेश थापा १ हजार २७५, निसान्त शाही १ हजार २७८, प्रकाश सिंह १ हजार २१९, प्रतीक्षा थापा १ हजार ४९१, विकास कुमार थापा १ हजार ३२३, विष्णुराज सिंह १ हजार ३३४ र शिवराज ढकाल १ हजार २३३ मत प्राप्त गर्दै निर्वाचित भएका छन्।

स्ववियु निर्वाचनमा कुल ४ हजार ३८३ मतदातामध्ये २ हजार ८६२ जनाले मतदान गरेका थिए।