सुर्खेत । जिल्ला प्रहरी कार्यालय सुर्खेतका प्रमुख प्रहरी उपरीक्षक (एसपी) रुपेश खड्का नेपाल प्रहरीबाट पुरस्कृत भएका छन्।

विभागीय नीति निर्देशनअनुसार आफ्नो जिम्मेवारी कर्तव्यनिष्ठ, अनुशासित र कुशलतापूर्वक निर्वाह गर्दै उत्कृष्ट कार्य सम्पादन गरेबापत नेपाल प्रहरीले उनलाई पुरस्कृत गरेको हो।

एसपी खड्काले जिल्लामा शान्ति सुरक्षा सुदृढीकरण, अपराध नियन्त्रण तथा कानुनी शासन प्रवर्द्धनमा महत्वपूर्ण भूमिका निर्वाह गर्दै आएका छन्। उनले सुर्खेतमा रहेर प्रभावकारी ढंगमा प्रहरी प्रशासनको नेतृत्व गर्दै आएका छन्।

नेपाल प्रहरीले प्रहरी सेवामा उल्लेखनीय योगदान दिने अधिकारीहरूलाई हरेक वर्ष विभिन्न तहमा पुरस्कृत गर्ने परम्परा रहेको छ। एसपी खड्काको यो सम्मानले समग्र सुरक्षाकर्मीहरूलाई थप उत्साहित बनाउने विश्वास गरिएको छ।