सुर्खेत । मानवसेवा आश्रम सुर्खेतको भवन निर्माणार्थ श्रीमद्भागवत सप्ताह ज्ञानविज्ञान महायज्ञमा नेपाल पुलिस स्कुलले ६२ हजार २ सय २२ रुपैयाँ सहयोग गरेको छ ।
सुर्खेतमा जारी मानवसेवा आश्रम सुर्खेतको भवन निर्माणार्थ श्रीमद्भागवत सप्ताह ज्ञानविज्ञान महायज्ञको आज चौथो दिन नेपाल पुलिस स्कुल सुर्खेतले ६२ हजार २ सय २२ रुपैयाँ सहयोग गरेको हो ।
स्थापनाकाल देखी विपन्न परिवार,मानव कल्याणमा समर्पित संघसंस्था अशक्त व्यक्तिहरुलाई सामाजिक उत्तरदायित्व (CSR) अन्तर्गत सहयोग गर्दै आईरहेको यस शिक्षण संस्थाले मानवसेवा आश्रम सुर्खेतको भवन निर्माणलागि सहयोग प्रदान गरेको हो ।
सहयोग गरेको रकम मध्यबाट ५१ हजार १ सय ११ रुपैयाँ विद्यालयको तर्फबाट र ११ हजार १ सय ११ रुपैयाँ भने विद्यालयमा अध्ययनरत कक्षा ७ र ८ का विद्यार्थीहरुले खाजा खर्च कटौती गरेर जम्मा गरेको रकम रहेको विद्यालयका प्राचार्य सुनिल देवकोटाले बताए ।
श्रीमद्भागवत सप्ताह ज्ञानविज्ञान महायज्ञमा विद्यालयका प्राचार्य, समादेशक तथा विद्यार्थीहरुलाई महायज्ञ मुलसमितिद्वारा कदरपत्र सहित सम्मान गरिएको थियो ।
फ्याक्ट सञ्चार । २०८१ मङ्सिर २५ गते मङ्गलवार