काठमाडौं । नौ महिनासम्म अन्तर्राष्ट्रिय अन्तरिक्ष स्टेशन (आईएसएस) मा रोकिएका अन्तरिक्षयात्री सुनिता विलियम्स र बुच विल्मोर अन्ततः सुरक्षित रूपमा पृथ्वीमा फर्किएका छन् ।

उनीहरू नेपाली समयअनुसार आज बिहान ३:४५ बजे स्पेसएक्स रकेटमार्फत अमेरिकाको फ्लोरिडा तटमा अवतरण गरेका हुन् ।

अघिल्लो वर्ष जुन ५ मा बोइङ र नासाको संयुक्त ‘क्रू फ्लाइट टेस्ट मिसन’ अन्तर्गत आठ दिनका लागि अन्तरिक्ष गएका सुनिता र बुच प्राविधिक समस्याका कारण नौ महिनासम्म अन्तरिक्षमै फसेका थिए।

पृथ्वीमा फर्किनेबित्तिकै उनीहरू उत्साहित देखिएका थिए । बीबीसीका अनुसार, स्पेसएक्सको क्याप्सुल समुद्रमा अवतरण गर्दा नजिकै रहेका डल्फिनहरूको समूहले समेत त्यसलाई निरीक्षण गरिरहेको दृश्य देखिएको थियो।

नासाका वैज्ञानिकहरूका अनुसार, अन्तरिक्षयात्रा चुनौतीपूर्ण भए पनि सुनिता र बुचले नयाँ परिस्थितिमा आफूलाई सफलतापूर्वक अनुकूल बताएका छन् । अन्तरिक्षमा उनीहरूले गरेका अनुभव र अनुसन्धानबारे जानकारी दिन नासाले केहीबेरमा पत्रकार सम्मेलन गर्दैछ।