सुर्खेत । पुर्व पश्चिम राजमार्ग अन्तर्गत बाँकेको ढकेरी खण्ड बिहानैदेखि अवरुद्ध भएको छ ।

गएराति टिपरको ठक्करबाट राप्तीसोनारी – ८ का लोकेन्द्र बिष्टको ज्यान गएपछि शव सडकमै राखेर स्थानियहरूले सडक अवरुद्ध पारेको जिल्ला प्रहरी कार्यालय बाँकेले जनाएको छ ।

राप्तीसोनारी गाउँपालिका – ९ ढकेरीमा बिहिबार राति कोहलपुरदेखि शम्शेरगन्जतर्फ जाँदै गरेको भे १ ख ३०१९ नम्बरको टिपरले विष्ट सवार भे १० प १४१३ को मोटरसाइकललाई ठक्कर दिएको थियो ।

ठक्करबाट विष्टको घटनास्थलमै मृत्यु भएपछि र चालक भागेपछि स्थानियले टिपर तोडफोड गरी आगो लगाइदिएका थिए ।