काठमाडौं । शुक्रबार नेपाली बजारमा छापावाल सुन र चाँदीको मूल्यमा उल्लेख्य गिरावट आएको छ। नेपाल सुनचाँदी व्यवसायी महासंघका अनुसार, बिहीबारको तुलनामा सुनको मूल्य प्रतितोला ३,९०० रूपैयाँले घटेको हो।

हाल सुनको मूल्य प्रतितोला १ लाख ७६ हजार ४ सय रूपैयाँमा झरेको छ, जुन अघिल्लो दिन अर्थात् बिहीबार १ लाख ८० हजार ३ सय रूपैयाँ थियो। बिहीबारको उक्त मूल्य नेपाली बजारको इतिहासमै हालसम्मकै उच्च थियो।

यसैगरी, चाँदीको मूल्य पनि घटेको देखिएको छ। बिहीबार प्रतितोला १,९९५ रूपैयाँमा कारोबार भइरहेको चाँदी शुक्रबार १,८७० रूपैयाँमा झरेको छ। यो अघिल्लो दिनको तुलनामा प्रतितोला १२५ रूपैयाँले कम हो। बुधबार चाँदीको मूल्य २,०२० रूपैयाँ थियो।

अन्तर्राष्ट्रिय बजारमा भने आज सुन प्रतिऔंस ३,१०४ अमेरिकी डलरमा कारोबार भइरहेको छ।