सावित्रा उपाध्याय, सुर्खेत । सुर्खेतको रातानाङ्गलामा जिप दुर्घटना भएको छ ।

सुर्खेतबाट कालिकोट जाँदै गरेको भे १ च २५६० नम्बरको बोलेरो जिप सुर्खेत–दैलेख सडकखण्ड अन्तर्गत वीरेन्द्रनगरस्थित रातानाङ्गला नजिकै दुर्घटना भएको हो ।

आज बिहीबार बिहान जिम दुर्घटनामा परी चार जनाको मृत्यु भएको जिल्ला प्रहरी कार्यालय सुर्खेतले जनाएको छ ।

जिपमा कति जना सवार थिए भन्ने कुरा एकिन नभएको प्रहरीले जनाएको छ । चार जनाको घटना स्थलमा मृत्यु भैसकेकाको शव उद्धार भैरहेको र दुई जना घाइतेको अस्पतालमा उपचार भैरहेको जिल्ला प्रहरी कार्यालय सुर्खेतमा प्रहरी उपरिक्षक रुपेश खड्काले बताए । बाँकीको खोजी कार्य पनि भइरहेको पनि उनको भनाई छ ।

प्रहरीका अनुसार जिप सडकबाट ३ सय मिटर तल खसेको छ । जिप बिहीबार बिहान दुई बजेतिर दुर्घटना भएको भएपनि ढिलो गरी मात्रै थाहा भएकाले यतिबेला प्रहरी घटनास्थलमा पुगेर उद्धार कार्य गरिरहेको छ ।