काठमाडौं । त्रिभुवन विश्वविद्यालय केन्द्रिय क्याम्पसको स्वतन्त्र विद्यार्थी युनियन (स्ववियु) को सभापतिमा नेपाल बिद्यार्थी संघका दीपक राज जोशी ८ मतले विजयी भएका छन् ।

कुल ३ हजार १ सय १८ मत खसेको निर्वाचनमा नेपाली विद्यार्थी संघका उम्मेदवार दीपक राज जोशीले ७ सय ८९ मत प्राप्त गरी अग्रस्थान हासिल गरेका छन् ।

निकटतम प्रतिद्वन्द्वी अनेरास्ववियुका सिद्धान्त भट्टले ७ सय ८१ मत ल्याएका छन् भने तेस्रो स्थानमा अखिल क्रान्तिकारीका प्रविन दाहालले ७ सय २७ मत प्राप्त गरेका छन् ।

यस्तै, स्वतन्त्र उम्मेदवारमध्ये उज्ज्वल खड्काले ७ सय १७ मत प्राप्त गरेका छन् भने पदमा भुषालले १ सय ६६ मत प्राप्त गरेकी छन्।

निर्वाचनको नतिजाले त्रिवि केन्द्रिय क्याम्पसमा विद्यार्थीहरूबीच कडा प्रतिस्पर्धा देखिएको पुष्टि गर्छ।